ټول قام د كشمير مسئلې په اړه د حكومت سره اوږه په اوږه ولاړ دے۔سناتور شبلي فراز مېډيا سره خبرې

اسلام آباد 30 اګست (اے پي پي)په سېنېټ كښې د حكومتي ډلې مشر سناتور شبلي فراز وئېل دي مودي سركار په مقبوضه كشمير كښې د نړيوال قوانين خلاف ورزي كوي٬ټول قام د كشمير مسئلې په اړه د حكومت سره اوږه په اوږه ولاړ دے٬حكومت تر ستمبر 27مې نېټې عمومي اسمبلۍ كښې د ګډون څخه وړاندې به هره جمعه نيم ساعت كشميريانو سره د يووالي څرګندونه او د كشمير مسئلې د رامخې ته كولو پريكړه كړې ده ۔د جمعې په ورځ د پارليمنټ هاؤس په خوا كښې كشميريانو سره د يووالي ورځې په موقع مېډيا سره په خبرو كښې ده ووئيل د كشميريانو حق خود اراديت تحريك آخري پړاؤ ته رسېدلې او د كشميري اولس په هلو ځلو كښې نوې ولوله راغلې ۔ده ووئيل ټول قام د كشميريانو پھ مسئله يو موټې دے او حكومت سره ولاړ دے او د هېواد مشرتابه ته چې كله د اولس ملاتړ ترلاسه وي نو بيا مشرتابه د لاسونه مضبوط وي۔ ده ووئېل مونږ له په هر مېدان كښې هلې ځلې كول دي٬د كشمير بې ګناه اولس غږ پورته كول دي۔سناتور شبلي فراز ووئيل په عمومي اسمبلۍ كښې د ګډون څخه وړاندې به په هر فورم احتجاج روان وي٬حكومت په دې اړه د هرې جمعې په ورځ نيم ساعت له د كشميريانو سره د يووالي څرګندونې او د كشمير مسئله په نړيواله كچه رامخې ته كولو لپاره ټول هېواد كښې د احتجاج پروګرام جوړ كړی او په دې نيم ساعت كښې به نړۍ ته باور وركول وي چې مونږ د كشمير مسئلې څخه وروستو كېدونكې نه يو۔ ده ووئېل په كشمير كښې د بشري حقونو په خلاف ورزو په نړيوالو ورځپاڼو كښې په بې ګناه كشميريانو په هندي جارحيت كالمونه ليكلې كېږي۔ده ووئيل مودي سركار په مقبوضه كشمير كښې د نړيوال قوانين خلاف ورزي كوي٬ټول قام د كشمير مسئلې په اړه د حكومت سره اوږه په اوږه ولاړ دے

مضمون کا ماخذ : bolão quina

متعلقہ مضامین