مستقبل دی ترقی دا دارومدارآبی ذخیریں اچ توسیع تے پانڑیں دے مناسب استعمال تے ہے ،ڈپٹی چیئرمین پلاننگ کمیشن سرتاج عزیز دا اجلاس نال خطاب

اسلام آباد ۔ 30 مارچ (اے پی پی) ڈپٹی چیئرمین پلاننگ کمیشن سرتاج عزیز آکھیے جو پاکستان اچ پانڑیں دی گھٹکی کوں مکاونڑ تے بجلی پیدا کرنڑ سانگے اساکوں چاہیدے جو آبی وسائل سانگے بہتر منصوبہ بندی ،ترجیحی بنیاداں تے کروں ،پلاننگ کمیشن کوں اے یقین اے جو پانڑیں دے ذخیریں کوں محفوظ کرتے زرعی ترقی اچ اہم کردار ادا کیتا ونج سگدے ،ایں سانگے پانڑیں دے استعمال اچ کفایت شعاری جیں اچ فصلاں کوں پانڑیں ڈیونڑ سانگے مناسب طریقہ کار ،تے ایجھاں فصلاں رادھیاں ونجن جیں نال پانڑیں گھٹ استعمال تھیوے ۔اے گال گزریل ڈینھ سرتاج عزیز سینٹرل ڈویلپمنٹ ورکنگ پارٹی دے اجلاس نال خطاب کریندے ہوئیں آکھی۔اجلاس اچ ملک اچ آبی وسائل دی گھٹکی دے حوالے نال کئی منصوبیں دی منظور ی ڈتی گی ۔ رحیم یار خان اچ ڈالس کنال ڈویژن دی جاہ تے سپلائی بند دی کٹائی تے توسیع سانگے 13کروڑ 69لکھ 6ہزار دا منصوبہ منظور کر گھدا گیا ۔ جے ہیڈ سپیر دی توسیع سانگے 13 کروڑ 35 لکھ 79 ہزار روپے دی لاگت دا منصوبہ منظور کرگھدا گیا ۔ کوئٹہ اچ زمینی پانڑیں دے ری چارج سانگے 200 چھوٹے چیک ڈیماں دی تعمیر سانگے29 کروڑ 83 لکھ 68 ہزار روپے دا منصوبہ منظور کر گھدا گیا۔

مضمون کا ماخذ : jogos de loteria Nordeste

متعلقہ مضامین