اسلام آباد۔2دسمبر(اے پی پی):وفاقی وزیر تعلیم و پیشہ ورانہ تربیت رانا تنویر حسین آکھیے جو یو ایس ایڈ دی ہائر ایجوکیشن سسٹم سٹرینتھننگ ایکٹیویٹی (ایچ ای ایس ایس اے) دے تحت ساݙی 16 یونیورسٹیاں کوں مارکیٹ ڈیلیور کرݨ اچ انہاں دی ادارہ جاتی اتے تکنیکی صلاحیتاں کوں بہتر بݨاوݨ کیتے متعلقہ تعلیم تے تحقیق اچ مدد کیتی ویسی ۔ اے ڳالھ انہاں جمعے کوں یو ایس ایڈ اتے ہائیر ایجوکیشن کمیشن دے اہتمام نال اسلام آباد اچ’’21ویں صدی اچ اعلیٰ تعلیم تے افرادی قوت دی ترقی تے بین الاقوامی سربراہی اجلاس‘‘ دے اختتامی سیشن توں خطاب کریندے ہوئیں آکھی اے ۔ انہاں آکھیے جو یو ایس ایڈ دی ہائر ایجوکیشن سسٹم سٹرینتھننگ ایکٹیویٹی (ایچ ای ایس ایس اے) دے تحت ،جیں دی مالیت 19 ملین ڈالر اے، ساݙی 16 یونیورسٹیاں کوں مارکیٹ ڈیلیور کرݨ اچ انہاں دی ادارہ جاتی اتے تکنیکی صلاحیتاں کوں بہتر بݨاوݨ کیتے متعلقہ تعلیم تے تحقیق اچ مدد ݙتی ویسی ۔رانا تنویرآکھیے جو اساکوں ادارہ جاتی نظم و نسق، نصاب، رسائی اتے معیار، تدریسی اتے تحقیقی طریقیں، صنعت اتے تدریس دے رابطے تے موسمیاتی تبدیلی دے موافقت تے توجہ ݙیوݨی چاہیدی اے ۔ انہاں آکھیے اے ھک حقیقت اے،بھاویں اساں اینکوں پسند کروں یا نہ کروں ، زیادہ تر اسٹیک ہولڈرز کوں شکایت اے جو ساݙا تعلیمی نظام طالب علماں کوں تکھے بدلدی دنیا اچ کھنڈݨ کیتے ضروری علم، تجربہ، مہارت یا اقدار نال آراستہ نی کریندا ۔وفاقی وزیر آکھیے جو اے ساریں تے واضح اے جو معمول دے مطابق کاروبار ایں رجحان کوں تبدیل کرݨ دا آپشن کائنی۔ اساکوں آپݨی اعلیٰ تعلیم تئیں رسائی، معیار اتے مطابقت کوں بہتر بݨاوݨ دے ترائے گنا مقصد کوں حاصل کرݨ کیتے جرات مندانہ، اختراعی اتے پرعزم ہووݨ وی لوڑھ اے ۔
.jpg)
