چینی سائنسداناں تے صنعت کاراں دا وفد 27 اپریل کوں پاکستان دا دورہ کریسی ،کامسٹیک

اسلام آباد۔17اپریل(اے پی پی) اسلامی تعاون تنظیم (او آئی سی)دے رکن ملکاں اچ روایتی دوائیں تے ایندے نال منسلک بائیو میڈیکل سائنسز اچ تعاون کوں مضبوط بݨاوݨ کیتے چینی سائنسداناں تے صنعت کاراں دا ھک اعلیٰ سطح دا وفد پاکستان دا دورہ کریسی ۔ اسلامی تعاون تنظیم دے ذیلی ادارے کامسٹیک دی طرفوں جاری بیان موجب چینی سائنسداناں تے صنعت کاراں دا وفد ادارہ جاتی اتے صنعتی رابطے دے ذریعے قدرتی مصنوعات، بائیو ٹیکنالوجی، مالیکیولر اتے سیل بائیولوجی تے روایتی دوائیں دے شعبیں اچ تحقیق اتے ترقی اچ تعاون کوں ودھاوݨ کیتے مفاہمت دی یادداشت تے دستخط کرݨ کیتے 27 اپریل کوں اسلام آباد اچ کامسٹیک سیکرٹریٹ دا دورہ کریسی ۔ مفاہمتی یادداشت تے دستخط نال عوامی جمہوریہ چین اتے او آئی سی دے رکن ملکاں وچال علمی تے تحقیقی اقدامات کوں مضبوط بݨاوݨ اچ مدد ملسی ۔ دستخطی تقریب دے موقع تے ایں موضوع تے سائنس داناں اتے چین اچ دواسازی دی صنعتاں دے نمائندیں دی اہم ڳالھ مہاڑ وی تھیسی۔

مضمون کا ماخذ : اسرار ریلز

متعلقہ مضامین