وزیراعظم دا آئی ایم او نال تعاون تکڑا کرݨ دا عزم، بلیو اکانومی اقتصادی ترقی دی حکمت عملی دا ترجیحی حصہ اے، شہباز شریف

Islamabad: Secretary General of International Maritime Organization Arsenio Antonio Dominguez Velasco calls on Prime Minister Muhammad Shehbaz Sharif on 12 September 2024.

اسلام آباد۔12ستمبر(اے پی پی)وزیراعظم محمد شہباز شریف انٹرنیشنل میری ٹائم آرگنائزیشن (آئی ایم او) نال تعاون تکڑا کیتے حکومت دا عزم روہریندے آکھیے جو حکومت بلیو اکانومی کوں اقتصادی ترقی دی حکمت عملی کوں ترجیحی ݙیندی پئی اے۔ اے ڳالھ انہاں انٹرنیشنل میری ٹائم آرگنائزیشن (آئی ایم او) دے سیکرٹری جنرل آرسینیو انتونیو ڈومنگیوز ویلاسکو نال ملݨ ویلھے الیندے آکھی۔ وزیر اعظم سیکرٹری جنرل ویلاسکو کوں جی بسم اللہ آکھیا اتے آئی ایم او نال ہتھ ونݙاوݨ کیتے حکومتی عزم دا ݙسایا۔ انہاں ماہی گیری اتے سمندری تجارت ودھاوݨ، سمندری وسائل ڳولݨ، ساحلی سیاحت اڳونہی کرݨ اتے شپ بریکنگ انڈسٹری دی بہتری سانڳے اقدامات تے زور ݙتے۔ وزیراعظم بلیو اکانومی کوں اقتصادی ترقی دی حکمت عملی دا مرکزی ستون قرار ݙیندے آکھیے جو سرمایہ کاری متوجہ کرݨ، ماہی گیری اتے شپ بریکنگ دے شعبے کوں اڳو تے ودھاوݨ کیتے جدید ٹیکنالوجیز اچ خصوصی سرمایہ کاری سہولت کونسل (ایس آئی ایف سی ) دے کردار دا ݙسایا۔ وزیراعظم امید کیتی جو انہاں کوششاں نال اتے آئی ایم او اتے بین الاقوامی شراکت داراں دے تعاون نال ڄڳ دے سمندری نقشے تے پاکستان دی اہمیت ٻئی ودھسی۔ وزیر اعظم شہباز شریف سمندری اخراج ڳھٹاوݨ دیاں عالمی کوششاں اچ حصہ پاوݨ کیتے بین الاقوامی شراکت داراں اتے آئی ایم او نال رل تے کم کرݨ دا پاکستان دا عدزم دوہرایا۔ سیکرٹری جنرل آئی ایم او وزیراعظم دی اڳواݨی اتے معاشی ترقی کیتے اپݨے بحری وسائل توں فیدہ چاوݨ اتے عالمی میری ٹائم کمیونٹی اچ ایندے کردار کیتے پاکستان دے فعال کردار دی تعریف کیتی۔ انہاں بین الاقوامی بحری برادری اچ پاکستان دی فعال شرکت کوں منیندے پائیدار ترقی کیتے ڳانݙھا اڳو تے ودھاوݨ کیتے آئی ایم او ولوں حمایت جاری رکھݨ دا یقین ݙیوایا۔

مضمون کا ماخذ : عمومی کلیدی الفاظ

متعلقہ مضامین