چین اتے پاکستان علاقائی رابطے اتے تعاون کوں ودھاوݨ کیتے سی پیک دی توسیع تے ڳالھ مہاڑ جاری رکھݨ تے اتفاق کیتے، ترجمان دفتر خارجہ

اسلام آباد۔24مارچ (اے پی پی) چین اتے پاکستان علاقائی رابطے اتے تعاون کوں ودھاوݨ کیتے سی پیک دی توسیع تے ڳالھ مہاڑ جاری رکھݨ تے اتفاق کیتے۔ دفتر خارجہ دی ترجمان ممتاز زہرا بلوچ جمعےکوں اتھاں دفتر خارجہ اچ پریس بریفنگ اچ آکھیا جو پاکستان اتے چین کثیرالجہتی پلیٹ فارمز تے ڳالھ مہاڑ اتے تعاون کوں ٻیا مضبوط کریسن۔ ترجمان آکھیا جو سیکرٹری خارجہ ڈاکٹر اسد مجید خان 16 توں 18 مارچ تئیں چین دا دورہ کیتے۔ انہاں چین دے وزیر خارجہ کن گینگ نال ملاقات کیتی اتے نائب وزیر خارجہ سن ویڈونگ اتے چیئرمین سی آئی ڈی سی اے لو ڑائوہوئی نال ملاقاتاں کیتی۔ انہاں آکھیا جو دورے وچال ڈاکٹر اسد مجید خان اتے چین دے نائب وزیر خارجہ سن ویڈونگ پاک چین ڈو پاسہ سیاسی مشورے(بی پی سی) دے تریجھے دور دی سانجھی صدارت کیتی۔ فریقین ݙو پاسہ تعلقات دے سارے پہلواں دا جائزہ ڳھدا اتے سیاسی تے سکیورٹی تعاون، ݙو پاسہ تجارت، اقتصادی اتے مالیاتی تعاون، ثقافتی تبادلے سیاحت اتے عوام وچال تعلقات کوں ودھاوݨ تے اتفاق کیتا۔

مضمون کا ماخذ : منی ٹرین 2

متعلقہ مضامین