پی آئی سی واقعہ افسوس ناک اتے قابل مذمت اے، واقعہ لاہور ہائی کورٹ اچ زیر سماعت اے، ایندے تے زیادہ گال نی کرنڑ چاہندا ،چیف جسٹس آف پاکستان جسٹس آصف سعید کھوسہ

اسلام آباد ۔ 14 دسمبر (اے پی پی) چیف جسٹس آف پاکستان جسٹس آصف سعید کھوسہ آکھیے جو پی آئی سی واقعہ افسوس ناک اتے قابل مذمت اے، واقعہ لاہور ہائی کورٹ اچ زیر سماعت اے، ایندے تے زیادہ گال نی کرنڑ چاہندا، ماڈل کورٹس دے ذریعے تکھے انصاف کوں یقینی بنڑایا گے ۔ ماڈل کورٹس مردہ سسٹم اچ جان پاتی اے ، ضلعیں اچ ماڈل کورٹس دے بدولت مقدمیں دی شرح گھٹ تھئی اے ۔ ہفتے کوں اسلام آباد اچ وختی تے سستے انصاف متعلق قومی کانفرنس نال خطاب کریندے ہوئیں چیف جسٹس سپریم کورٹ آکھیا جو لاہور واقعہ افسوسناک اتے قابل مذمت اے۔ واقعہ ہائی کورٹ اچ زیر سماعت اے ایندے تے زیادہ گال نی کرنڑ چاہندا ۔ ایں واقع کوں نہ تھیونڑاں چاہیدا ہئی ۔چیف جسٹس آکھیا جو ڈاکٹرز اتے وکیل ڈوہیں معاشرے دے باوقار پیشے ہن ، ڈوہیں پیشے نال بہوں ساریاں روایات جڑیاں ہویاں ہن ۔ انہاں آکھیے جو ایں طرح دے واقعے مستقبل اچ پیش کائناں آسن ۔ انہاں آکھیا جو اساں متاثرہ خاندانیں نال ہمدردی کریندوں ۔چیف جسٹس آکھیے جو اساں نظام اچ رہندے ہوئیں انصاف اچ دیر کرنڑ دا عمل مختصر کیتے ، ایجھا نظام بنڑائے جو 17ڈینھ اچ چالان آویسی ، گواہیں کوں پیش کرنڑ ریاست دی ذمے واری اے ، اساں مدعی دی بجائے پولیس تے ریاست گواہ پیش کریسی ۔

مضمون کا ماخذ : فنکی پھل

متعلقہ مضامین