اسلام آباد۔22جون(اے پی پی)وفاقی وزیر اطلاعات و نشریات چوہدری فواد حسین آکھیے جو الیکشن کمیشن ہک آئینی و انتظامی ادارہ اے اتے اے پارلیمان دے ٻݨائے ڳئے قوانین تے عمل کرݨ دا پابند اے، اوورسیز پاکستانیاں کوں ووٹ دا حق ملݨا چاہیدے ایندے اچ کوئی رکاوٹ نئیں ہووݨی چاہیدی، سمجھ نئین آندی جو ن لیگ اتے پی پی پی اوورسیز پاکستانیاں کوں ووٹ دا حق ݙی??ݨ توں کیوں ݙردن؟ اے ڳالھ انہاں اسلام آباد اچ وفاقی کابینہ دے اجلاس توں بعد میݙیا بریفنگ اچ آکھی۔ انہاں آکھیا جو وفاقی کابینہ اسلم خان کوں پی آئی اے دا چیئرمین لاوݨ دی منظوری ݙتی اے، ممنوعہ اسلحہ لائسنس دا معاملہ موخر کرݙتا ڳئے، لکسمبرگ نال دوہری شہریت دے معاہدے، پبلک پراپرٹی انکروچ??نٹ بل 2021ء دی منظوری سودھا ساجد بلوچ کوں نیشنل ووکیشنل اینڈ ٹیکنیکل ٹریننگ کمیشن دا ایگزیکٹو ڈائریکٹر لاوݨ دی وی منظوری ݙتی ڳئے۔ وفاقی وزیر اطلاعات آکھیا جو کابینہ کوں ای وی ایم اتے آئی ووٹنگ تے بریفنگ ݙتی ڳئی، ای وی ایم ٻݨا سڳدے ہین، ایندے کیتے الیکشن کمیشن اقدامات کرے، آندے انتخابات توں پہلے مقامی انتخابات اتے ضمنی انتخابات اچ ای وی ایم استعمال تھیوݨا چاہیدے تاں جو لوکاں دا اعتماد آوے اتے جیکر کوئی خامی ہووے تاں ایندے تے قابو پاتا ونڄ سڳے، اوورسیز پاکستانیاں کوں ووٹنگ نظام اچ رلاوݨ عزم اے جیندے کتیے سارے اقدامات کیتے ویسن۔ وفاقی وزیر آکھیا جو الیکشن قوانین آئین توں ٻاھرو ہووݨ دا معاملہ سپریم کورٹ طے کر سڳدی اے، انتخابات دا طریقہ کار ݙی??ݨ ملکی سیاسی ??یادت دا کم اے۔ انہاں آکھیا جو کرونا توں قابو پاوݨ کیتے روزانہ 4 لکھ ویکیسن لاوݨ دا ہدف اے، ایں سال دے چھیکڑ تئیں 7 کروڑ لوکاں کوں کرونا ویکیسن لاوݨ دا کم پورا کریسوں۔ انہاں آکھیا جو اپوزیشن دا اے پی سی سݙاوݨ پارلیمان کوں کمزور کرݨ دی سازش اے، اصلاحات دی ڳالھ کرݨی اے تاں پارلی??نٹ موجود اے، اے چاہندن جو اے نظام نہ چل سڳے، ساݙے نال صرف او پارلیمانی جماعتاں ٻاھون جیندی پارلیمان اچ نمائن??گی اے، ایندے نال مریم نواز یا مولانا دا کوئی لاھݨا ݙی??ݨا نئیں۔
.jpg)
