اسلام آباد ۔ 20 اگست (اے پی پی) ترجمان دفتر خارجہ زاہد حفیظ چوہدری آکھیے جو پاکستان اتے سعودی عرب وچال تعلقات اچ کوئی کشیدگی کائنی ، سعودی عرب دے نال اساڈے پکے تعلقات ہن ، پاکستان حرمین شریفین دے تحفظ کیتے پر عزم اے، اسرائیل کوں من گھننڑ دا کوئی معاملہ زیر غور کائنی ، فلسطین متعلق پاکستان دے موقف اچ کوئی تبدیلی کائناں آسی ، بھارت مقبوضہ کشمیر کوں دنیا دی ساریں توں وڈی جیل اچ بدال ڈتے ۔خمیس کوں ہفتہ وار بریفنگ دے دوران ترجمان آکھیے جو پاکستان اتے سعودی عرب وچال ہمیشہ خوشگوار اتے نیڑے دے تعلقات رہ گن جیرھے جو مشترکہ مذہبی، ثقافتی اتے سماجی رشتے دے مستحکم بنیاداں تے استوار ہن ۔ ترجمان آکھیے جو پاکستان اتے سعودی عرب وچال تعلقات اچ کوئی کشیدگی کائنی، سعودی عرب نال اساڈے مضبوط تعلقات ہن ۔ترجمان آکھیے جو وزیر اعظم عمران خان دے پاک سعودی تعلقات دے حوالے نال اجوکے میڈیا ریمارکس اتے چیف آف آرمی سٹاف جنرل قمر جاوید باجوہ اجوکا دورہ سعودی عرب ڈو بھرا ملکاں وچال برادرانہ اتے نیڑے رابطے دا واضح ثبوت اے ۔ انہاں آکھیے جو ڈوہیں ملکاں وچال اقتصادی، سیاسی، سیکورٹی اتے ملٹری سمیت ساری سطح تے مضبوط تعاون قائم اے۔ ترجمان آکھیے جو پاکستان جموں و کشمیر متعلق او آئی سی رابطہ گروپ اچ سعودی عرب دے اہم کردار کوں قدر دی نگاہ نال ڈیکھدے ۔ ترجمان واضح کیتا جو فلسطین متعلق پاکستان دے موقف اچ کوئی تبدیلی کائناں آسی ۔ ترجمان آکھیے جو فلسطین دا ایجھا حل چاہندوں جیں اچ القدس شریف فلسطین دا دارالحکومت ہووے۔کشمیر متعلق ترجمان بھارت اچ ہندو انتہا پسنداں ولوں پیغمبر ﷺ دی شان اچ گستاخی دی سخت الفاظ اچ مذمت کریندے ہوئیں آکھیے جو اے فرقہ ورانہ تشدد بھڑکاونڑ تے مسلماناں کوں ہدف بنڑاونڑ دی سازش اے ۔بھارت اچ اقلیتاں دے نال ظلم کہیں توں لکیے ہوئے کائنی بین الاقوامی برادری کوں صورتحال دا نوٹس گھندے ہوئیں کردار ادا کرنڑاں ہوسی ۔کشمیر متعلق ترجمان آکھیے جو بھارت مقبوضہ کشمیر کوں دنیا دی وڈی جیل اچ بدال ڈتے جتھاں ہک سال توں فوجی محاصرہ جاری اے ۔ کلبھوشن یادیو کیس متعلق ترجمان آکھیے جو عالمی عدالت انصاف دے فیصلے اچ چار نکات شامل ہن۔ کلبھوشن کوں قونصلر رسائی وی ڈیونڑ ایندے وچ شامل ہئی۔ بھارت کوں ول وکیل مقرر کرنڑ تے تریجھی قونصلر رسائی دی پیشکش کیتی اے۔امید اے بھارت پاکستانی عدالتاں نال تعاون کریسی ۔
