وژن پاکستان 100 ارب ڈالر دی برآمدات دا راہ سوکھا کرݨ اچ اہم کردار ادا کریسی، نگران وفاقی وزیر برائے تجارت صنعت تے پیداوار

اسلام آباد۔7دسمبر (اے پی پی) نگران وفاقی وزیر برائے تجارت صنعت تے پیداوار ڈاکٹر گوہر اعجاز آکھیاجو وژن پاکستان 100 ارب ڈالر دی برآمدات دا راہ سوکھا کرݨ اچ اہم کردار ادا کریسی۔ اے ڳالھیں انہاں خمیس کوں انڈسٹریل ایڈوائزری کونسل دے افتتاحی اجلاس دے موقع تے آکھی۔ وزارت تجارت توں جاری بیان موجب اجلاس اچ پاکستان دے معروف صنعتی گروپاں دے نامور سی ای اوز شریک تھیے۔ انڈسٹریل ایڈوائزری کونسل دے ممبراں اچ فواد احمد مختار، محمد علی ٹبہ، وقار احمد ملک، عبدالصمد داؤد، رضا منشا، شہزاد اصغر علی، سمیر چنائے، عامر فیاض شیخ، شہباز یاسین ملک، احسن بشیر، سید حیدر علی، اتے فاروق نسیم شامل ہن۔ کونسل دے سرکاری اراکین اچ صنعت، تجارت اتے خزانہ دے سیکرٹریز وی شامل ہن۔ ڈاکٹر گوہر اعجاز اجلاس دی صدارت کریندیں ہوئیں آکھیا جو اہم مسئلیاں دے حل کیتے صنعت توں جڑے رہنماواں دی مہارتاں توں حل ڳولیندے پئیوں۔ وژن پاکستان 100 ارب ڈالر دی برآمدات دا راہ سوکھا کرݨ اچ اہم کردار ادا کریسی۔

مضمون کا ماخذ : لافانی رومانس

متعلقہ مضامین