قوماں دے مستقبل کوں ناپنڑ دا پیمانہ اتھاں دی جامعات دا معیار اے ،انٹرنیٹ دے بغیر ترقی ممکن کائنی ، فواد چوہدری

اسلام آباد ۔ 18 ستمبر (اے پی پی) وفاقی وزیر سائنس اینڈ ٹیکنالوجی فواد چوہدری آکھیے جو دنیا وچ قوماں دے مستقبل کوں ناپنڑ دا پیمانہ اتھاں دی جامعات دا معیار اے ،انٹرنیٹ دے بغیر ترقی ممکن کائنی ۔ مصنوعی ذہانت دے ودھارے نال ملازمتاں دے لکھاں موقع پیدا تھیسن ۔او جمعہ کوں سکردو اچ یونیورسٹی آف بلتستان دے زیر اہتمام یوتھ کنونشن توں خطاب کریندے پئے ہن ۔ایندے توں پہلے وائس چانسلر پروفیسر ڈاکٹر نعیم خان شرکاء کوں یونیورسٹی دی کارکردگی متعلق بریفنگ ڈتی۔وفاقی وزیر فواد چوہدری تقریب نال خطاب کریندے ہوئیں آکھیے جو بلتستان یونیورسٹی دی ڈو سالہ کارکردگی شاندار اے۔انہاں آکھیے جو دنیا وچ قوماں دے مستقبل کوں ناپنڑ دا پیمانہ اتھاں دی یونیورسٹیاں دامعیار اے ، یونیورسٹی آف بلتستان گھٹ ویلھے اچ اہم تخلیقی اقدامات کیتن ۔ فواد چوہدری طلبہ تے زور ڈتا جو او علمی جستجو کو ں ودھاونڑ کیتے آپ دی پسند دا شعبہ چنڑن ۔انہاں آکھیے جو گلگت بلتستان کیتے فور جی سروس ڈیونڑ اہم ذمے واری اے کیوں جو ایں جدید دور اچ انٹرنیٹ دے بغیر ترقی ممکن کائنی ایں سلسلے اچ میں انفارمیشن ٹیکنالوجی دے وزیر نال رابطے وچ ہاں۔

مضمون کا ماخذ : تعداد بہت زیادہ ہے۔

متعلقہ مضامین