آئی ایم ایف پروگرام دی منظوری اتے سعودی عرب دی طرفوں اسٹیٹ بینک اچ 2 ارب ڈالر ڈیپازٹ کراوݨ دے بعد معاشی استحکام دی توقع اے،سینیٹر شیری رحمان

اسلام آباد۔12جولائی (اے پی پی):وفاقی وزیر موسمیاتی تبدیلی و ماحولیاتی رابطہ سینیٹر شیری رحمان آکھیے آئی ایم ایف پروگرام دی منظوری اتے سعودی عرب دی طرفوں اسٹیٹ بینک اچ 2 ارب ڈالر ڈیپازٹ کراوݨ دے بعد معاشی استحکام دی توقع اے ، تحریک انصاف دی سابق حکومت پاکستان کیتے جیڑھی معاشی دلدل پیدا کیتی ہئی ایندے توں ہولے ہولے نکلدے پیوں ، آپݨے ھک ٹویٹ اچ انہاں آکھیے سابق حکومت پاکستان کوں ڈیفالٹ کراوݨ دی بھرپور کوشش کیتی، اے نویں حکومت کیتے ورثے اچ ریکارڈ قرضاجات اتے عوام کیتے شدید معاشی بحران چھوڑ تے ڳئے ہن ۔ تحریک انصاف حکومت اچ رہندے ہوئیں آئی ایم ایف دے معاہدے دی خلاف ورزی کیتی تاں جو اتحادی حکومت کوں معاشی عدم استحکام دا سامݨا کرݨا پووے۔ انہاں آئی ایم ایف معاہدے کوں سبوتاژ کرݨ کیتے ہر ممکن پروپیگنڈا کیتا تے خط لکھیے۔ وفاقی وزیر آکھیے تحریک انصاف دی نااہل حکومت ملکی معیشت کوں جیں نہج تے پڄایا ہئی ایندے توں نکلݨ اچ ٻہوں ویلھا لڳسی ۔

مضمون کا ماخذ : ٹمپل ٹمبل

متعلقہ مضامین