اسلام آباد۔6ستمبر(اے پی پی) وفاقی وزیر قانون، انصاف و پارلیمانی امور سینیٹر اعظم نذیر تارڑ آکھیے پاکستان انسٹی ٹیوٹ آف میڈیکل سائنسز اچ جناح میڈیکل ٹاور منڈھ ٻدھ ݙتا ڳئے ، جدید طبی سہولتاں توں آراستہ میڈیکل ٹاور ھک ہزار بستریں دا ہوسی تے اے ترائے سال اچ بݨسی ، سینیٹ اچ سوالاں دے وقفے اچ سینیٹر ڈاکٹر زرقا سہروردی تیمور دے سوال دے جواب اچ وفاقی وزیر قانون، انصاف و پارلیمان امور سینیٹر اعظم نذیر تارڑ آکھیے اکتوبر اچ شنگھائی تعاون تنظیم دا اجلاس تھیندا پئے تے ایں سانڳے حکومت چنڳے اقدامات کریندی پئی اے ، انھاں آکھیے کنونشن سینٹر اسلام آباد اچ کم تھیندا پئے ، چین سودھے مختلف ملکاں توں مندوبین آندے پئن۔ انہاں آکھیے اپوزیشن جماعتاں دے سارے ارکان کوں مختلف سیشن اچ سݙیا ویسی ۔ فوزیہ ارشد دے سوال تے جواب اچ وفاقی وزیر قانون اعظم نذیر تارڑ آکھیے فارن آفس دا 42 ارب روپے دا بجٹ رکھیے ، ایں بجٹ اچ پوری دنیا دے سفارتی مشنز چلائے ویندے پئن، پوری کوشش کیتی ویندی اے جو کفایت شعاری گھن آئی ونڄے ۔ سینیٹر دنیش کمار اتے سینیٹر انوشہ رحمان دے سوال تے جواب اچ وفاقی وزیر قانون سینیٹر اعظم نذیر تارڑ آکھیے ڈریپ سانڳے اقدامات چاتے ویندے پئن اینکوں ٻیا چنڳاں کیتا ویندا پئے ۔ سینیٹر ہدایت اللہ خان، سینیٹر ڈاکٹر ہمایوں خان مہمند، سینیٹر دنیش کمار دے سوال دے جواب اچ وفاقی وزیر قانون اعظم نذیر تارڑ آکھیے وزیراعظم شہباز شریف گزریل سال جناح میڈیکل ٹاور دا منڈھ ٻدھیا ہئی اے منصوبہ منصوبہ کافی سالاں توں التوا دا شکار ہئی ، انھاں آکھیے جدید طبی سہولتاں نال جناح میڈیکل ٹاور ھک ہزار بیڈ تے مشتمل ہوسی۔
.jpg)