ملکی معیشت دی بحالی اتحادی حکومت دی پہلی ترجیح اے، وفاقی وزیر خزانہ مفتاح اسماعیل دی پریس کانفرنس

اسلام آباد۔21جولائی(اے پی پی)وفاقی وزیر خزانہ مفتاح اسماعیل آکھیے جو ملکی معیشت دی بحالی اتحادی حکومت دی پہلی ترجیح اے، امپورٹ اچ کمی اتے ایکسپورٹ ودھاوݨ دی کوشش اے۔ اسلام آباد اچ پریس کانفرنس کریندے انہاں آکھیا جو ݙالر ودھدا پئے ٻھل تیکھے روپے دی ودر مستحکم تھی ویسی جیندے کیتے اقدامات کیتن، ایندی وجہ معاشی نئیں کڄھ سیاسی مسائل ہین، امید اے سیاسی صورتحال بہتر تھیوݨ نال روپیا وی اپݨی ڄاہ تے ول آسی اتے تکڑا تھیسی، ایں ویلھے معیشت درست سمت دو ویندی پئی اے۔ انہاں آکھیا جو امپورٹ بارے حکومت اتے سٹیٹ بینک دے اقدامات نال چنڳے نتیجے نکلسن، درآمدات اچ کمی دی پالیسی نال ایں مہینے امپورٹ بل اچ 2.5ارب ڈالر زرمبادلہ دی بچت تھئی اے اتے امپورٹ بل جون اچ 7.4 ارب ڈالر دے مقابلے اچ جولائی دے مہینے اچ 5 ارب ڈالر ہوسی۔ انہاں آکھیا جو آئی ایم ایف نال معاہدہ تھی چکیے، بورڈ اپروول دے نال نال ایشیئن ڈویلپمنٹ بینک اتے ورلڈ بینک توں وی فنانسنگ ملݨ نال معیشت بہتر تھیسی۔

مضمون کا ماخذ : جادوئی اسپن

متعلقہ مضامین