اسلام آباد۔24مئی(اے پی پی):صدر مملکت ڈاکٹر عارف علوی تجزیاتی سوچ دے ودھارے تے زور ݙیندے ہوئیں آکھیے انتہائی مسابقتی دنیا دے تقاضیں دے مطابق اساکوں تعلیم تئیں رسائی اتے سکولاں اچ داخلے دی شرح کوں ودھاوݨا ہوسی۔ ۔او ہائی ٹیک انسٹیٹیوٹ آف میڈیکل سائنسز دے(پہلے ایم بی بی ایس بیچ )پہلے کانووکیشن توں خطاب کریندے پئے ہن ۔ صدر مملکت آکھیے ساݙے ملک اچ 27 ملین ٻال سکولاں توں ٻاہر ہن ، تقابلی طور تے ہندوستان تے بنگلہ دیش اچ ٻالاں دے اسکول داخلے دا تناسب 98-100 فیصد اے۔انہاں چین دے کیس سٹڈی دا حوالہ ݙیندے ہوئیں آکھیے تعلیم تے صحت دے شعبیں تے خصوصی توجہ دے ذریعے پاکستان اٹھ سالاں اچ بہترین کاکردگی دا مظاہرہ کرسڳدے ۔صدر مملکت ایندے توں پہلے میڈیکل اتے ڈینیٹل دے فارغ التحصیل طلبا و طالبات اچ ڈگریاں ، میڈلز اتے تعریفی سنداں ݙتیاں ، انہاں آکھیے ملک تریمتاں دے اعلیٰ تعلیم حاصل کرݨ دے بعد کیریئر ترک کرݨ دا متحمل نی تھی سڳدا ، اڄ والدین وعدہ کرن جو آپݨے انہاں ٻالاں تے بالڑیاں کوں ملکی ترقی تے خدمات کیتے مامور کریسن ، تریمتاں کوں کم کرݨ دا محفوظ ماحول ݙیوݨ ریاست دا فرض اے ، وفاقی محتسب جیہے ادارے پہلے ہی ایں مقصد کیتے کم کریندے پئن ۔ چیئرمین ایچ آئی ٹی و ہائی ٹیک میجر جنرل شاکراللہ خٹک، پرنسپل ہائی ٹیک آئی ایم ایس میجر جنرل (ر)حامد شفیق، رجسٹرار نیمز کمانڈر(ر)فراصتعلی ، پرنسپل ہائی ٹیک میڈیکل کالج پروفیسر عرفان اللہ شاہ سودھے فیکلٹی ممبران اتے پاس آؤٹ تھیوݨ آلے طلباء وطالبات دے والدین دی کثیر وݙی تعداد موجود ہئی۔
.jpg)
