وزیراعظم عمران خان نال وفاقی وزیرِ خزانہ شوکت فیاض ترین اتے وفاقی وزیرِ صنعت تے پیداوار مخدو خسرو بختیار دی ملاقات

اسلام آباد۔22فروری (اے پی پی) وزیراعظم عمران خان آکھیا جو ملکی انڈسٹریل بیس ودھاوݨ حکومت دی پہلی ترجیح اے، صنعتی ترقی دے بغیر کوئی وی ملک ترقی نی کر سڳدا۔ اے ڳالھیں انہاں وفاقی وزیرِ خزانہ شوکت فیاض ترین اتے وفاقی وزیرِ صنعت تے پیداوار مخدوم خسرو بختیار نال ڳالھ مہاڑ کریندیں ہوئیں آکھی جنہاں منگل کوں انہاں نال ملاقات کیتی۔ وزیراعظم آفس دے میڈیا ونگ توں جاری بیان دے مطابق ملاقات اچ وزیراعظم کوں ملکی صنعتی شعبے دی ترقی کیتے ڳئے اقدامات اتے آندے لائحہ عمل بارے بریفنگ ݙتی ڳئی۔ وزیراعظم آکھیا جو حکومت صنعتی استعداد ودھاوݨ اتے سک یونٹس دی بحالی کیتے کم کریندی پئی اے۔ اساݙی حکومت ملک اچ پہلی واری چھوٹے اتے وچلے درجے دی صنعت کیتے جامع پالیسی ݙتی اے، حکومت دی کاروبار دوست پالیسیاں پاروں صنعتی شعبہ ترقی کریندا پئے۔ ملاقات اچ ݙسیا ڳیا جو وزیراعظم دے پاکستان اچ صنعتاں دے فروغ دے وژن دے عین مطابق وزارت صنعت تے پیداوار ملکی صنعتی پیداوار اچ ودھارے کیتے صنعتاں کیتے سہولتاں ݙیوݨ اتے آوݨ آلی رکاوٹاں کوں ہٹایا ونڄے۔

مضمون کا ماخذ : لاتعداد وشال پانڈا

متعلقہ مضامین