بلاول بھٹو کوں ولدا لاڑکانہ ونڄ ݙیساں، وزارتاں کوں انعامات گورننس بہتر کرݨ دا ماڈل اے، وزیراعظم وزارت خارجہ دا وی تعریف کریندن، وزیر خارجہ شاہ محمود قریشی دی ملتان اچ ڳالھ مہاڑ

ملتان۔14فروری(اے پی پی)وزیرخارجہ مخدوم شاہ محمودقریشی آکھیے جو بلاول بھٹو کوں ولدا لاڑکانہ ونڄ ݙیساں، وزارتاں کوں انعامات گورننس بہتر کرݨ دا ماڈل اے، وزیراعظم وزارت خارجہ دا وی تعریف کریندن، پی ٹی آئی حکومت وزارتاں دی کارکردگی پرکھݨ کیتے نویں معیار ݙتن جو ہر وزارت اپݨی کارکردگی ودھا ݙکھاوے، تلمبہ اچ قانون ہتھ اچ ڳھنݨ آلیاں دے خلاف کارروائی کیتی ویسی۔ اے ڳالھ انہاں ملتان اچ 3 پارکاں دا افتتاح کرݨ توں بعد میڈیا نال الیندے آکھی۔ انہاں آکھیا جو دفترخارجہ افغانستان اچ پھسیے لوکاں کوں کݙھݨ کیتے وݙا کردار ادا کیتے، پورے ڄڳ ایکوں منیے، امریکا وی پاکستان دے حق اچ بیان ݙتے ڄݙاں جو یورپی یونین وی وزیر اعظم کوں دورے دی دعوت ݙتی اے۔ انہاں آکھیا جو حکومت دی کامیابیاں اچ خارجہ پالیسی وی شامل اے، دورہ چین دی کامیابی تے وزیراعظم ٻہوں خوش ہین اتے انہاں ایندے تے وزارت کواجہ دی تعریف کیتی اے، پاکستان اچ او آئی سی وزرائے خارجہ دااجلاس تھئے اتے ہݨ ولا مارچ اچ تھیوݨے جیندے اچ مسلم امہ دے سارے وزرائے خارجہ آسن اتے 23 مارچ دی قومی پریڈ اچ وی شرکت کریسن، ایں وایلھے بہترین سفاتکاری پاروں پاکستان دے خطے اتے ڄڳ دے سارے اہم ملکاں نال تکڑے تعلقات ہین۔ وزیر خارجہ شاہ محمود قریشی آکھیا جو بلاول تیاری کر ڳھنے، میں لاڑکانہ آ تے انہاں دے سوالاں دا ولدا ݙیساں، سندھ دا قبضہ چھڑویسوں اتے 26 فروری دے لانگ مارچ دی میں آپ قیادت کریساں، پیپلز پارٹی پارٹی شوق نال پنجاب آوے اوکوں نہ رکیسوں، پر امن احتجاج سیاسی حق اے، سندھ دے عوام نال رابطہ وی ساݙا حق اے، اپوزیشن تحریک عدم اعتماد ڳھن آوے اوندا بھرپور سیاسی مقابلہ کریسوں، اپوزیشن کوں ہار منݨی ہوسی، ن لیگ پیپلزپارٹی آپ چھی چھٹیکاں تھی چکین، چوہدری برادران دے در تے ونڄݨ نال ن لیگ دا بیانیہ دفنیڄ ڳئے، اے جیندا ݙیݙھ چیر تے پیشہ کݙھݨ دا رولا پیندے رہین اڄ انہاں کوں ڄپھے مریندے ودن، ڈیرہ اسماعیل خان اچ میئر شپ دے نتیجے نال مولانا صاحب کوں شیشہ تھی ڳئے، بلدیاتی انتخابات اچ پی ٹی آئی میدان اچ لہسی اتے عمران خان آپ امیدوار ݙیسن۔

مضمون کا ماخذ : سامراا سپلٹ

متعلقہ مضامین