واشنگٹن۔9جنوری (اے پی پی):امریکا اچ پاکستان دے سفیر مسعود خان آکھیے جو پاکستان کوں سیلاب دے بعد نویں سروں تعمیر تے لکھاں بے گھر لوکاں دی بحالی کیتے عالمی برادری دی فوری مدد دی لوڑھ اے ۔ انہاں ݙو ݙینھ ’’ کلائیمیٹ ریزیلئنٹ پاکستان ‘‘ بین الاقوامی کانفرنس دے افتتاحی سیشن دے موقع تے امریکی ٹیلی ویژن نیٹ ورک پبلک براڈ کاسٹنگ سروس کوں ݙتے ڳئے انٹرویو اچ آکھیے جو ضروریات انتہائی اہم ہن ۔ انہاں آکھیے ایں حوالے نال غلط تاثر اے جو امداد تے بحالی دے مرحلے ختم تھی چکئن ، ایجھا بالکل وی کائنی ۔ انہاں امید دا اظہار کیتے جو پاکستان جنیوا کانفرنس اچ اقوام متحدہ، اقوام متحدہ دے سیکرٹری جنرل دی قیادت اچ امریکا جیہی ریاستاں دی مدد نال مطلوبہ حمایت حاصل کرݨ اچ کامیاب تھی ویسی ۔انہاں آکھیے اساکوں امید اے جو بحالی اتے نویں سروں دی ضروریات دے مطابق وعدے کیتے ویسن، اساکوں آندے ترائے سالاں اچ ایندی امداد دی لوڑھ اے تاں جو ماحولیاتی تبدیلی نال نبݨݨ دے انفراسٹرکچر دی تعمیر اتے اینکوں محفوظ کیتا ونڄ سڳسی اساں کنے پہلے توں موجود اے۔ انہاں امریکا امداد تے بحالی دے ابتدائی مرحلے اچ انسانی ضرورتاں کوں پورا کرݨ تے امریکا دا شکریہ ادا کتا۔ انہاں امریکا توں 3توقعات دا اظہار کیتے جنہاں اچوں پہلی اے براہ راست امداد اے۔ اساکوں امید اے جو امریکا جنیوا اچ ساݙیاں کوششاں اچ خاطر خواہ امداد دا اعلان کریسی ۔ ݙوجھا اے جو ملکاں دی حکومتاں تے بین الاقوامی مالیاتی اداریں تے انہاں دا اثرورسوخ اے تے تریجھی اے جو امریکا ماحولیاتی تبدیلیاں نال نبݨݨ دیاں کوششاں اچ ساݙا شراکت دار ہو سی۔
.jpg)
