وزیراعظم عمران خان دی زیر صدارت بنیادی اشیائے ضروریہ دے مل ڳھٹاوݨ کیتے حکومتی معاشی ٹیم دا اجلاس

اسلام آباد۔15فروری(اے پی پی)وزیرِ اعظم عمران خان آکھیے جو عام لوکاں کوںس وکھ ݙیوݨ حکومت دی ترجیح اے، عوام دے پووݨ آلے بالواسطہ ٹیکساں دا بھار ڳھٹاوݨ کیتے حل پیش کیتا ونڄے، کݨک تے انتظامی اخراجات دا تفصیلی جائزہ ڳھن تے بچے دا طریقہ کار بݨایا ونڄے۔ اے ڳالھ انہاں بنیادی اشیائے ضروریہ دی قیمتاں ڳھٹاوݨ کیتے حکومتی معاشی ٹیم دے اجلاس دی صدارت کریندے آکھی۔ اجلاس اچ وفاقی وزیر اقتصادی امور مخدوم خسرو بختیار، وزیر خزانہ ڈاکٹر عبدالحفیظ شیخ،وفاقی وزیر منصوبہ بندی و ترقی اسد عمر، وزیراعظم دے مشیر ڈاکٹر عشرت حسین، مشیر برائے تجارت عبدالرزاق داؤد، گورنر سٹیٹ بنک، معاونین خصوصی ڈاکٹر وقار مسعود، ندیم بابر، تابش گوہر، اتے سینئر افسران شرکت کیتی۔ وزیرِ خزانہ ڈاکٹر عبدالحفیظ شیخ ملک اچ کݨک دی پیداوار، سرکاری سطح تے کݨک مل ڳھنݨ، ترسیل، سٹوریج اتے انتظامی اخراجات اچ کمی کیتے منصؤبہ بندی بارے ݙسایا۔ اجلاس اچ درآمد شدہ گھیو، دالاں اتے ٻیاں اجناس تے ڈیوٹیز دی شرح اتے حکومتی رعایتاں تے وی بریفنگ ݙتی ڳئی۔ اجلاس اچ پٹرولیم مصنوعات دیاں قیمتاں تے وی غور تھیا۔

مضمون کا ماخذ : sorteios quina

متعلقہ مضامین