وزیراعظم دی ایں اوکھے ویلھے ترکیہ دے عوام دی مدد، دل کھول تے عطیات ݙیوݨ دی ارداس

اسلام آباد۔7فروری(اے پی پی)وزیراعظم محمد شہباز شریف عوام کوں اپیل کیتی اے جو او ایں اوکھے ویلھے ترکیہ دے زلزلہ متاثرین کیتے عطیات ݙیون، اپݨے ترکیہ دے ٻھیݨیں ٻھراواں دا ہتھ ونݙاوݨ کیتے حکومت اتے عوام نال کھڑن۔ وزیراعظم محمد شہباز شریف ترکیہ کیتے عطیات دی اپیل کریندے آکھیے جو ایں سانڳے “وزیراعظم ریلیف فنڈ برائے ترکیہ زلزلہ متاثرین” ٻݨا ݙتے، عوام اتے مخیر حضرات اکائونٹ نمبر G-12166 اچ کھلے دل نال عطیات ݙیون جو ترکیہ اچ 7.8 شدت دے زلزلے قیامت مچا ݙتی اے جتھاں ہزاراں لوک موئن اتے زخمی ہین۔ انہاں آکھیا جو ترکیہ پاکستان دے قومی مفادات دے تحفظ اتے عوام کوںا وکھ توں کݙھݨ کیتے ہمیشہ مخلصانہ ہتھ ونݙائے اتے ہر ݙکھ سکھ اچ ساݙے نال تھئے، اڄ ترکیہ کوں ہک امتحان دا سامݨا اے جیندے اچ ساکوں وی اپݨے ترکیہ دے ٻھیݨیں ٻھراواں دا ہتھ ونݙاوݨا ہوسی جو ترکیہ دے عوام دی مدد ساݙی دینی ذمہ داری اے۔

مضمون کا ماخذ : قزاقوں کی کافی مقدار

متعلقہ مضامین